馬賽遭「正印」示威 上海開火

無綫小花馬賽最近捲入「巨聲幫」大孖周志文與　模袁聖殷（CoCo）的戀情！馬賽與周志文近日在上海開工，CoCo急飛當地(目及)實男友向「小三」馬賽示威！

繼年前與無綫小生吳卓羲傳緋聞後，08年港姐季軍馬賽最近被指拍攝無綫新劇《名媛望族》時，暗撻同劇的「巨聲幫」大孖周志文，惟周志文早跟周秀娜師妹CoCo拍拖半年多，馬賽被指捲入「文殷戀」成為「小三」！據知此事令CoCo醋意大發，早前得知男友與「情敵」馬賽於上海開工，即向公司請假趕赴上海睇實男友！

扮視而不見

前日因周志文與馬賽不用開工，CoCo即翹實男友行街，但CoCo被「三角戀」困擾全程木無表情，剛巧馬賽與同劇的賈曉晨、王浩信亦在附近閒逛，兩女冤家路窄，擦身而過亦未有打招呼，火藥味甚濃！

晚上周志文送CoCo離開時發現記者，CoCo顯得非常冇癮，更一支箭衝上的士！另一邊廂，馬賽昨午搵朱晨麗陪行街，未知是否得知CoCo已離開上海，她步出酒店時心情大靚！

怕男友身痕

CoCo昨日接受電話訪問時承認赴上海(目及)實男友：「一次不忠，百次不容！男人點都要睇緊少少！唔想我唔喺度佢身痕！（撞到馬賽？）好似撞到一眼，不過冇興趣望！唔想提呢個人，總知個男仔有女友就唔應該黐埋去囉！」

馬賽（Sire）

年齡︰24歲

三圍︰32、24、33

家底︰父親於內地從事金融業，身家豐厚，馬賽愛以寶馬代步。

袁聖殷（CoCo）

年齡︰23歲

三圍︰32、24、33

家底︰家人於上海經營生意，家住貝沙灣，愛以平治代步。