Dominic想同居：好想佢管我
Bro5成員Dominic跟糖妹的戀情被本報踢爆，他由拒愛到主動示愛，原來亦經歷了一番轉折，Dominic說：「當日佢同我示愛，自己覺得未係適合階段，因為佢事業起咗步，但我只係啱啱開始，到後來大家溝通好咗，發展成熟，所以情人節我同佢表白，我覺得今次應該自己主動，女仔始終要矜持。」
問鍾意糖妹甚麼？Dominic說：「我最欣賞佢表面上傻更更，但其實好有思想，個人又好Sweet，成日鼓勵我諗嘢正面，畀好多正能量我。」至於糖妹坦言未有機會跟他咀嘴，Dominic腼腆地說：「未有好時機，唔可以喺街度Kiss，始終要顧及佢嘅形象。」不過，Dominic大膽表示想跟糖妹同居：「我係有條理得嚟好亂嘅人，好想叫佢管住我，例如唔好掛住打機，希望佢喺身邊照顧我。」