阿正＠RB結他Pick不離身
四人男子樂隊RubberBand（RB）結他手阿正，原來隨身攜帶多個結他Pick，他說這是他最愛的物品：「身為結他手，應該隨身攜帶結他Pick，咁就可以方便練習，去到邊都可以彈結他！」
阿正取出最愛的結他Pick，並講出由來：「呢個結他Pick跟咗我年幾，上面有RB嘅Logo，係特別搵人幫我哋設計，同埋搵美國公司印，上面嘅顏色配搭係我偶像嘅代表色！」
阿正表示該結他Pick屬於限量版：「嗰陣時我哋自己出錢印，淨係印咗3,000個，除咗我哋成員有之外，有啲Fans鍾意都會送畀佢哋！」
阿正手持結他Pick並講述設計意念。
RB熱愛音樂，隨時隨地都能Jam歌。