陳司翰爭取

樂壇天后陳慧琳（Kelly）的弟弟陳司翰（Victor），2001年以「天后細佬」之名闖樂壇，更得當時經理人鍾珍鋪路，在別人眼中他簡直平步青雲，但事實上統統都是假象。

Victor甫出道即佔盡優勢，各界畀面Kelly和經理人鍾珍，他的出道記者會星光熠熠，非常熱鬧，他說：「我哋姊弟一向感情好好，我出道嘅記者會，佢搵咗好多人嚟撐場，仲有曾志偉嚟做司儀添！其實我入行以嚟，呢次係家姐幫我嘅唯一一次。」外界誤會Victor有家姐撐腰，可以扶搖直上，事實上他是靠努力爭取一切，所以他出道以來都避談Kelly：「最初有啲人覺得我熟口熟面，但當佢哋知道我家姐係Kelly，我反而多咗顧慮。」

曾損形象再鋪路

經過一番努力，Victor漸漸擺脫Kelly影子，開始「獨立」發展，但03年卻因與女友街頭爭執事件形象受損，幸得當時的經理人鍾珍當機立斷，為他的前途重新鋪路：「鍾珍一直部署我同Kelly走唔同路線，Kelly主力唱歌同拍電影，我去台灣同內地發展，唔使成日孭住家姐個名，可以獨立發展。」去年，Victor在內地拍了六部電視劇和電影，密密勁賺七位數字：「喺內地穿州過省宣傳，真正畀人識到我！鍾珍同我講，機會難得，佢話Kelly喺內地開演唱會，都冇咁多機會去咁多個內地城市宣傳，所以好多謝當時嘅唱片公司，放咁多資源幫我鋪路！」

拍劇8年得着大

Kelly曾拍日劇開拓日本市場，但Victor沒想到自己一拍便8年！他首次到內地拍劇才喜歡拍戲，初嘗騎馬及打戲，邊拍邊學，他說：「喺台灣拍偶像劇唔會學到好多嘢，反而喺內地同啲高手合作過，先體會到拍劇好有挑戰性。」

去年他東拼西湊才得3個多月時間在港休息，他說﹕「上年拍得太密喇！今年想抖吓，見到真係啱心水嘅劇本先拍。」中台兩地工作多年的他表示只要有合適劇本與平台，都會考慮留港工作。

想做有腳雀仔

Victor近年甚少在港「蒲頭」，但與港姐莊思明的緋聞鬧得熱烘烘。自言性格悶到似阿伯的他，仍未遇到合適對象，但他坦言想找個女仔安定下來：「可惜緣分一直未到！」