陳嘉桓獨立

不少藝人可以找個強勁「靠山」幫助星途,但陳嘉桓和陳司翰則相反,兩人雖有強大後盾,前者有經理人母親,後者有天后級家姐陳慧琳,為兩人遮風擋雨,但二人誓要靠自己,拒做別人眼中的「黃馬褂」!

若用萬千寵愛來形容初出道時的陳嘉桓(Rose),的確沒錯,年僅16歲她已入行,甫出道已被老闆兼師傅冼國林視為愛將,首次踏上大銀幕更已擔正,而且她背後還有位「超級母親」擔任經理人,令Rose的事業初時看似無風無浪,她亦坦言非常幸福︰「就算有起事上嚟,佢哋都已經幫我解決咗。」

Rose坦言與冼國林亦已超越老闆和下屬的關係︰「師傅好錫我同師兄(杜宇航),大家好似一家人咁。」至於母親,即是其前經理人Ronnie,無論Rose去到哪裏,總發覺她在身邊,Rose直言這位「跟得母親」非常偉大︰「以前媽咪會同我計劃好晒行程、揀衫,因為大家無時無刻接觸,佢對每個工作都了解深啲,但我唔會覺得係過分依賴,我只係依賴緊我媽咪,每個人都會依賴屋企人啦!」

做錯照鬧冇情講

也許外界會覺得母親作為經理人會偏袒女兒,但Rose強調「落場無母女」,Ronnie堅守上司下屬的規條,就算她犯錯亦冇情講,她說︰「媽咪當時入公司最大原因都係照顧我,但佢同我公私分明,我做錯佢照鬧,唔會因為我係佢個女而有唔同待遇,而且佢入嚟,朋友都覺得係好事,因為可以保護我,又會教識我投身社會嘅態度。」

有老闆和母親時時刻刻為Rose拆局,當然是百利而無一害,但外界亦有不少閒言閒語,就像去年底Rose發生的不愉快事件,老闆跟母親出力拆局,難免被人認為她是「受保護動物」,她說︰「之前發生呢件事,都聽到有人話老闆太過保護我,但我覺得邊有公司老闆唔錫自己員工呢?大家當時只係為件事好。」話雖如此,她亦認為自己是「受保護動物」︰「以前啲人唔會走到埋嚟,有咩問題佢哋都已經同我擋晒,可能到解決之後我先會知道,我好少為工作而煩惱。」

媽咪做幕後軍師

可惜Ronnie於年初辭職,面對公司大執位,Rose現正適應中,同時令她變得更獨立,她說︰「依家有好多事都唔同,媽咪冇做之後當然有唔同轉變,自己大個咗會更加獨立,凡事會自己面對,因為我覺得有好多事都要自己經歷過先知。但無論係點我都會問佢,因為佢依家只係用阿媽心態去諗,會畀意見我和同公司講,雖然我媽咪已經離職,但佢同公司仲有良好嘅關係。」

不願繼續長高

Rose身高1米75,屬圈中高妹一族,年僅19歲的她還有得高,但她似乎不太願意,訪問當日她跟小記說︰「我決定要戒食快餐,唔係為咗減肥,而係聽人講食呢啲會繼續高,但我唔想。」

梁雅婷、藍裕彤

自認是「受保護動物」的Rose受盡萬千寵愛,但她覺得需親身經歷風浪,學習獨立。

冼師傅(右起)十分疼錫Rose及杜宇航。