金剛遭天使夾擊冧做齊人

「神獸天使」蔡慧欣及陳芷尤被指為爭奪金剛而不和，前晚冤家碰頭，兩位天使扮友好，而金剛夾在她們中間合照時，竟反常地面紅，冧到變怕醜仔！

金剛早前公開表示勁冧「神獸天使」之一的蔡慧欣（Gemma），但另一位天使陳芷尤（Apple）被指與Gemma爭金剛而不和，前晚他們為《五覺大戰》錄影，合照時夾在中間的金剛明顯面紅尷尬。有指Gemma與Apple跟金剛吃消夜時會分別坐在左右兩旁，Gemma似是有骨地說：「冇呀！呢排冇坐。（唔想爭，讓畀人？）順其自然啦！呢啲嘢唔使爭、唔使讓，我依家單身。」問到金剛是否追求她時，她撒嬌地說：「我唔係好Feel到，佢對個個都係咁！」明顯意有所指，希望金剛識做。

「兩個都鍾意」

而Apple指由於Gemma母親從外國返港，才減少吃消夜，否認與對方不和。

問金剛是否Gemma母親前來(目及)實他？他笑謂Gemma母親很有眼光，並讚他靚仔，至於他較喜歡誰？他說：「兩個都鍾意！聰明同蠢Balance（平衡）呀！」但Gemma透露最近沒坐他旁邊？金剛說：「佢唔開心呀！」隨即笑着對Apple說：「你乘虛而入！不過我冇感受到佢哋嘅愛。」

白雲睇中嘉樂

另外，有指天使之一的白雲不屑Gemma與Apple而搞杯葛，白雲說：「唔係，我依家埋去錫佢哋一啖都得呀！我覺得金剛做阿哥幾好，做男友、老公就錢嘉樂好啲！（同湯盈盈爭錢嘉樂？）唔會！不過我唔留意佢哋，我淨係留意嘉樂！」