早前到橫店拍攝新劇《大太監》的唐詩詠，昨日順利完成所有戲份，趕返港出席活動搵真銀。問到會否趁復活節假期約會崔建邦，她嬌嗔地說：「又提佢？做嘢、做嘢、做嘢呀！（咁Dry？）我又接咗部新劇，呢次角色好有挑戰性，我要做足準備工夫，一啲都唔Dry。」此外，有指在橫店拍攝《大》劇期間，拍檔李中希與徐榮待陳茵媺如「螞蟻摟蜜糖」，明撬陳豪牆腳，唐詩詠表示未有親眼見過，公餘時間會聯群結隊，不察覺有任何異樣，反而她與陳茵媺感情突飛猛進，不時相約逛街購物。
唐詩詠避談會否趁復活節約邦邦去街街。
