鬥快出碟搶先示威 諸葛暗寸法拉冇「聲」

諸葛紫岐(Marie)昨日擔任Kid模大賽頒獎嘉賓,對於有指她與「妯娌」陳法拉鬥快出碟,Marie強調樂壇應百花齊放,她對自己的歌藝有信心,並示威說:「我喺日本出過唱片,不過因為嗰陣咁啱遇上地震,所以先冇乜宣傳。(有冇聽過法拉唱歌?)冇聽過喎!乜佢有出過碟咩?(佢早排幫套電視劇唱片尾曲)我有睇套劇,但冇留意首歌,都唔知係佢唱。」問到是否落實簽約老公薛嘉麟的Neway?她即賣口乖說:「呢間係一間好公司,個個都想簽。(簽咗你咪係公司一姐?)唔係。(怕唔怕關心妍唔開心?)點會?佢把聲都好靚,唱歌又好聽,我都好鍾意佢!(因為老闆娘凌駕一姐?)唔係啦!」

Marie模仿小朋友Chok甫,自得其樂。