藝人羅仲謙昨日出席復活節活動時，自爆日前因氣管炎高燒不退，被家人逼去看醫生，豈料服藥後面部浮腫，腫得連他亦高呼：「好似麵包超人呀！我認唔到自己喇！」謙仔坦言甚少生病：「記得上次睇醫生嘅時候仲係細路仔，連個家庭醫生都話，原來你已經隔咗20年先再嚟睇醫生呀！」謙仔將夥拍汪明荃（阿姐）拍新劇《巴不得媽媽》，飾演阿姐兒子的謙仔表示，擔心面腫耽誤拍攝進度，已勤做面部推拿。問到與阿姐拍劇可有靚湯飲？謙仔笑言會多讀劇本，堅持不遲到，希望能喝到阿姐的湯水。
平日壯健的謙仔病到連面都腫埋，認真陰功！
