洪欣：仔女係最大動力
單親家庭愈來愈普遍，不少女星亦母兼父職！現有幸福家庭的女星洪欣，早年曾肩負單親媽咪的重擔，但她沒有以「辛苦」來形容：「最緊要向好嘅方面諗，當年我拍戲試過幾日冇瞓，但返到屋企見到囝囝，乜嘢都覺得唔重要，佢成為咗我最大嘅動力！希望思琦加油，支持佢！」吳綺莉則說：「平常心面對啦！有冇抑鬱症都好，揀咗生小朋友就要負責任！」
至於曾華倩則說：「所謂性格改變命運，如果個人夠樂天、思想正面會更好！我見思琦都後生，最緊要係努力工作，帶好個囡囡！」而潮媽陳靜儀（Mia）則說：「做單親媽咪一定辛苦，最緊要係堅強！起初好難面對其他人，不過捱過咗就會OK！依家單親家庭都好普遍，希望思琦唔好理會閒言閒語啦！」
洪欣、曾華倩及吳綺莉為思琦打氣。