容祖兒為板前壽司、板長壽司連鎖店擔任代言人，吸金七位數字，早前拍攝首輯廣告時，祖兒換上一身春裝晒腿食壽司，令人賞心悅目。已戒肉的她賣口乖指最愛食壽司，難怪廣告商亦識做地為她精心炮製一盒頂級壽司，祖兒面對美食，卻淺嘗即止：「怕食太飽有肚腩，全日只係食咗四、五件頂肚。」
而將於七月到北海道拍攝廣告秋季系列的祖兒，大無畏不擔心核輻射安全問題：「地震之後冇去過日本，而且又未去過北海道，所以知道今次有得去，真係好開心，希望到時有時間去睇花田。」
祖兒既可工作搵錢，又可大飽口福，認真盞！
祖兒換上春裝拍廣告。
