林心如 笑葉熙祺變「鐘點」

演員林心如與葉熙祺日前到廣州宣傳合演的驚慄電影，飾演老師的葉熙祺透露，拍攝時與一眾「學生」打成一片：「記得有個小演員扭計唔肯埋位，心如點氹都冇計，跟住我就同小演員講，叫佢乖乖拍完就請佢食波板糖，最後當然順利完成！連心如都笑我變咗小演員嘅鐘點保母。」

回想拍攝軼事，葉熙祺猶有餘悸：「導演成日要布置好現場先畀演員入去，亦唔會話你知入面有乜，由於氣氛實在太緊張，搞到我長時間失眠。」

林心如（左起）、葉熙祺與唐文龍結片緣，並一同出席首映發布會。