余文樂嘲千嬅 食錯藥大肚
與陳自瑤同樣將榮升「龍媽媽」的楊千嬅將於6月臨盆，前晚她出席公開活動時，正式宣布開始「產前閉關」！雖然她挺着巨肚，但依然與余文樂滿場飛，又全程以水代酒。雖然樂仔表面對大肚婆呵護備至，小心拖着千嬅以免有閃失，但卻狂窒千嬅肚子日益巨大是因吃錯藥。千嬅即笑罵：「有BB喺度梗係大啦！我啋過你！有啲咁癲嘅Uncle，我個B一出嚟就識問候我嘞！唔好學佢咁多，因住似怪獸。」
對於有指6月18日剖腹分娩，千嬅接受電話訪問時說：「預產期係6月中，一切都未決定，或者我可以順產呢，不過醫生話剖腹嘅機會比較大啲啫！」
千嬅以水代酒，跟阿樂（右）滿場飛High到爆。
千嬅落梯級時獲「左右護法」扶實，儼如王后擺駕！