朱慧敏英法狂掃平底鞋

身高五呎八吋的無綫藝員朱慧敏（Queenie）最愛穿平底鞋，家中有近二十對平底鞋！她更遠赴歐洲掃貨：「幾個月前我專登飛去英國、法國掃貨，嗰邊啲平底鞋又平又靚，一對都只係二、三百蚊港元，我一次過就買咗八對！」

問到為何如此喜愛平底鞋？Queenie說：「着平底鞋真係好舒服，其實如果我着高踭鞋嘅話，係會完全行唔到路！因為我太高啦！着高踭鞋根本平衡唔到，而且對條腰骨好傷，所以當我工作時必須着高踭鞋嘅話，我一定會企定定，唔會走嚟走去！」她更笑說：「我本身太高啦！如果出街仲着高踭鞋，人哋一眼就會認得出我，會好唔方便﹗」

朱慧敏專程到歐洲買平底鞋，認真巴閉。