Cammi老翻柏木由紀 吸金力冇得比

「學生o靚模」謝芷蕙（Cammi）與AKB48成員柏林由紀，看似風馬牛不相及，但自被本報拍得二人「世紀一握」後，宅男不禁大嘆：「邊有人似得咁緊要o架！」並驚嘆造物者之奇，直接衝擊宅男的核心價值！究竟Cammi與柏木有甚麼相同與不同之處，速睇！

樣貌 平手

若要人似我，除非兩個我！Cammi與柏木的外表似到連自己都驚，尤其是那個「阿凡達鼻」更是無可抗辯，難怪在「世紀一握」合照中，柏木見到Cammi都O晒嘴！

身高 Cammi勝

Cammi雖然真係好似柏木，但這位「Hong Kong Idol」始終係Model，有170cm高，比只有163cm的柏木高近半個頭，輸人唔輸陣！

身材 柏木勝

柏木身材出名冠絕AKB48，其水着寫真就像宅男聖經一樣，定必每日一讀，珍而重之！反觀Cammi有幾「偉大」，齋睇相都知，香港有一個娜姐就夠，Cammi妄想做性感之星。

事業 柏木勝

柏木去年在AKB48人氣榜中由第8位跳升至第3位，加上組合吸金力驚人，她的身家分分鐘勁過天后！而Cammi都唔差，有傳北上出騷酬勞盛惠5萬人仔，接Job接到連返學都冇時間。

雖然柏木在綜合評估中略勝Cammi，但基於樣貌是相似的最重要一環，Cammi大可赴日參加AKB第N次選舉，說不定柏木有甚麼頭暈身慶會找她頂上，為港爭光噢！