徐淑敏勸思琦睇心靈書

郭羨妮（Sonija）與姚嘉妮兩位準媽媽昨日孖住宣傳新劇，對於楊思琦疑似產後抑鬱，兩人望外間給她多點空間，並建議對方找朋友傾訴。至於過來人徐淑敏則勸思琦多看心靈方面的書籍。

兩女之母徐淑敏（Suki）昨日出席活動，提到楊思琦疑似產後抑鬱，過來人Suki坦言曾胡思亂想：「最緊要搵人傾偈，如果唔方便睇醫生，就睇有關心靈方面嘅書。」她表示兩歲多的長女日前跟奶奶返印尼，令她相當掛念：「佢留成個月，搞到我每日起身都好空虛，有次瞓醒仲流咗幾滴眼淚！」

貪靚着兩吋高跟鞋

另一邊廂，郭羨妮、姚嘉妮及鄭則士等昨日出席無綫新劇《盛世仁傑》宣傳活動，同劇演員玩遊戲搞氣氛，兩位準媽媽坐櫈休息，但將於6月分娩的Sonija，竟貪靚穿兩吋高跟鞋。

雖然比姚嘉妮預產期早一個月，但Sonija肚皮未如對方般大，她說：「我肥咗30幾磅，接受唔到自己肥，醫生話BB肚仔有啲瘦，叫我飲多啲營養奶粉，咁我又想BB苗條喎！」談到孕婦胃口轉變，Sonija坦言未有特別戒口，仍喝凍飲也曾偷吃雪糕：「老公同媽咪都撳唔住我，但依家冇食魚生！」對於思琦疑似產後抑鬱，Sonija呼籲外間給對方多點空間。嘉嘉指單親媽咪壓力大，建議思琦多找朋友傾訴，並循好方面想。而鄭則士被問到該劇拍畢三年後才播出，是否受政治因素影響？他表示不知情：「同期有另一部古裝劇畀咗個大監製睇完，就拍咗部宮廷鬥爭戲，所以套劇就等到今年先出。」