蔡恩真行騷跣低咬唇忍痛

女子組合Girls Kingdom的蔡恩真和久保杏奈（Anna）等昨日任時裝騷表演嘉賓。蔡恩真行騷時突然跣腳跪地，在旁的久保杏奈即上前扶起她，蔡恩真咬一咬唇強忍痛楚繼續行騷，事後心情極差地說：「I'm not OK！第一次喺台上跣倒，覺得好痛！因為對鞋好高，我遲咗出場，後面有人叫我快啲，我差錯腳向前仆，好彩Anna扶起我，否則我起唔到身！」她稱因朋友特地撐場而感尷尬！

同場的Janice Man（JM）自爆行騷時曾經走光：「試過條裙嘅鈕扣爛咗，行行吓成條裙帶斷咗而走光，好彩有Nude Bra，冇露點。」她更透露昨晨撞車：「屋企樓下出車時畀人攔腰撞，司機位花晒，我撞親個額頭！」JM因趕住做騷而抄下對方的身份證和電話號碼，日後才商討賠償。

蔡恩真在台上跣低，幸得久保杏奈（右）扶起她。