霆鋒科大開Talk 緊張過跳樓

身家以億計的謝霆鋒，近年其電影及廣告製作公司「PO朝霆」每年吸金逾億，事業有成的他最近獲「香港科大商學院」力邀以CEO身份出席講座，並標榜為「亞洲領袖」！對此他深感榮幸，並自言緊張過「跳樓」！

早年謝霆鋒與拍檔合資搞電影及廣告製作公司「PO朝霆」，每年營業額逾億，帶領香港和北京逾百員工搵食。半年前，霆鋒更獲「香港科大商學院」力邀出席以「Asian Leadership Series」為主題的講座，成為全日制工商管理碩士（MBA）的課程教材，講座將定於本月19日舉行，屆時霆鋒將以CEO身份跟學生分享心得。

唔怕被問感情事

現身在北京拍戲的霆鋒坦言上網參考其他講座，雖然還未寫好講稿，也不禁緊張地說：「緊張過拍跳樓戲！」對於成為MBA教材，霆鋒更感壓力：「責任更加重大，壓力好大，面對台下眾多比自己更有學問、更有知識嘅人，我喺台上講嘢，好似被人剝光豬咁。由答應之後，我心情一直都好忐忑同緊張。就算開公司，孭住逾百員工要追業績，我都未試過咁緊張，但今次我竟然失眠！」

而科大日前已將此宣傳單張給學生內部傳閱，上面印有霆鋒穿上西裝的帥哥Look，有粉絲更即時把訊息放上網，但單張上發現學校誤將霆鋒名字Nicholas串錯成Nicolas。

問到霆鋒屆時有何準備？他說：「到時我會做番自己，大家一齊成長，分享經驗。希望氣氛好似聚會咁，我諗住會有Q&A時間，你問我答。（唔怕被問感情事？）佢哋花咁多錢同時間讀MBA，唔會咁八卦同嘥時間嚟問呢啲嘢，如果佢哋真係咁八卦，我怕咩答！」他更表示不會帶同囝囝看講座。

其實，微軟創辦人蓋茨早年也被邀來港跟科大及港大校長等出席講座，霆鋒自言不算有大成就，但對於今次被邀請深感榮幸，並以對方為目標。