Lisa S.密密造人讚吳彥祖勁
名模Lisa S.昨日出席《周大福珠寶巡禮》活動時表示不會走性感路線，並笑言一世平胸：「我冇嘢睇，除咗個屁股！（隆胸？）細個時諗過，但嗰時冇錢同懶，到依家大咗就老，唔會隆，第時生咗之後下垂，會考慮做收緊胸部。」問到老公吳彥祖有否介意細胸？她甜絲絲地說：「佢愛我嘅所有，唔介意，話太大唔好。（以前拍拖嘅男友呢？）冇！話一隻手心包到就足夠！」問到有否造人好消息？她坦言未有，但興奮地表示老公抽三個月時間造人：「非常努力中！（一日幾多次？）正常人嘅次數，哈哈！佢係『Super Daniel』。」
