Alina暗寸Rainbow谷胸冇料到

o靚模組合冬甩今年加入新血推出寫真，日前眾女率先為寫真試了多個火辣造型，身為大師姐的Rainbow雖然已出盡九牛二虎之力將咪咪由B推到C，但擁E Cup逼爆上圍的Alina一出，師姐，又如何？難怪遭師妹暗寸！

o靚模組合冬甩今年繼續參加寫真大混戰，落重本斥資二十多萬元到馬來西亞取景，暫定參戰成員包括胡心諾（Rainbow）、曾寶玲（Ar Yu）、「E Cup官恩娜」何綽菲（Alina）、陳芷敏（Elke）及秘密武器「翻版Baby」陶嘉瑩（Elise）。日前眾女來個寫真熱身賽，試了多個性感造型，大師姐Rainbow穿上內衣出盡奶力將咪咪由B推到C，令人眼前一亮！已連續第四年出寫真的Rainbow原本諗住單飛，但日前她求籤時，籤文建議她要跟隊友齊心抵抗外敵，最終她還是選擇跟隊友並肩作戰，等宅男可以年年有冬甩食！

「翻版Baby」未夠秤

雖然Rainbow瞓身力谷，但擁E Cup導彈的Alina一出，誰與爭「峰」？Alina的照片以「妄攝」為概念，只要撕開部分「衣服」就令內衣Look無所遁形！她又嘲諷有些模死谷爛谷都谷不出「事業線」，似暗寸大師姐Rainbow：「我身材咁好撕咗先有嘢睇，有啲模身材平平無奇，真係撕同唔撕都冇乜分別！」而貌似潮模Angelababy的Elise只有十七歲，應該不會行性感，她的三七面跟Baby最為相似，連隊友見過她真人後都大感詫異！