陳煒：少咗啲樂趣

近年中港台三地藝人紛紛開通微博以便增進和粉絲的互動，宣傳效力強勁，微博暫時停止評論功能，不少藝人都不太習慣。

陳煒：「我都知要停幾日，突然之間停，都有少少唔慣，惟有用轉載功能嚟寫自己嘅感受，過往我發嘅微博都好多評論，但評論功能停咗，今日即刻寧靜咗好多，平時有二、三十個評論，依家剩番十個八個轉載，都少咗啲樂趣！」

伍詠薇：「都係Fans話我知，其實我唔多識玩微博，過往都只係回應、搭嘴！今次暫停評論功能，我就覺得冇乜嘢！可能係內部要做啲嘢啩？不過呢個暫停對我冇影響，我可以轉私信同朋友溝通、仲有WhatsApp呢！」

張衞健：「雖然之前畀人入侵過微博，但依家耐唔耐都有玩，唔會斬腳趾避沙蟲，就算暫停評論對我都冇大影響，自己好少評論人，只係睇Fans嘅評論，而且只係封幾日，我覺得冇大礙，以前冇微博都係咁過日子。」

賈曉晨：「我的微博出問題了！我看不到大家的留言！要到4月3號才恢復正常，那麼我先自言自語吧！」