梁佑嘉去轉韓國變辣妹
歌手梁佑嘉（Abella）最愛旅遊，早前便往台灣遊玩一番，嘗遍當地美食：「台灣嘅胡椒餅好出名，我同朋友排咗好耐隊先買到，但朋友話味道咁香，應該係牛肉，但我係唔食牛，嚇到即刻吐出嚟！搞笑係走去問番老闆，佢話只係豬肉，惟有重新再排隊。」貪吃的她還晚晚食用當歸與杞子做湯底的涮涮鍋，搞到爆瘡兼牙肉腫。
去年，Abella到韓國錄音時趁機往藝人訓練學校參觀，豈料讓她撞到偶像男子組合Beast，她興奮地說：「我真係開心到癲咗！面都紅晒，好可惜冇機會合照。」她在門口看見不少韓國歌迷等偶像，居然有韓迷問她攞簽名合照：「我話係香港歌手，之後見到佢哋喺我Fans Page留言，又搵人喺香港買我隻碟，好希望有機會打開韓國市場。」Abella在韓國時還學識食辣，還發現食辣有助開聲，從此變成無辣不歡。
梁佑嘉遊韓時曾參觀藝人學校，大開眼界。
梁佑嘉歎胡椒餅，豈料食到嘔！
梁佑嘉走勻韓國大街小巷食辣嘢。