張信哲收金玫瑰 一支嫌少

台灣歌手張信哲前晚在紅館開騷，換上鬥牛勇士裝的他，坦言因一雙「蘿蔔腳」曝光而感尷尬，非常搞笑！他還獲歌迷送上真金玫瑰花，興奮得笑說：「不如畀多支我！」

台灣歌手張信哲一連兩場紅館演唱會前晚揭開序幕，為了入鄉隨俗，他大部分時間講廣東話，獲歌迷大讚發音標準。連換多套華麗服飾的他，穿上鬥牛勇士裝後笑言非常尷尬：「着呢套衫好大壓力，好耐冇試過畀大家睇我嘅蘿蔔腳！」

感慨孤家寡人

阿哲又公開即將演出的舞台劇劇照，並有感而發表示Timing很重要：「愛情喺啱嘅時間遇到啱嘅人會有好結果，但好難，所以我到依家都係一個人！」獻唱期間，不少歌迷上前獻花，其中一位歌迷更送上真金玫瑰花，令他喜上眉梢，並笑說：「真金玫瑰花？我之前生日都收過，不如畀多支我！」

沙聲自誇性感

阿哲又自爆患上感冒：「本來唔想講，但大家應該聽到我把聲沙啞，希望大家享受，我想畀大家少少感動，同埋有勇氣追求幸福。都係我唔小心，冇好好保重，但大家可以聽到我咁性感嘅聲線。」唱冧歌為主的他，獻唱《可愛美眉》時與舞蹈員一同起舞，跳到氣喘。