坐商務飛倫敦 利誘靚女選港姐

不少歷屆及應屆港姐昨日出席招募港姐活動，低胸短裙上陣的許亦妮全場最性感，參選時花邊新聞多多的她笑說：「今年女仔啲男友可能多過我！」有傳今年港姐會素顏上陣，《2012香港小姐競選》統籌經理余詠珊說：「見步行步啦！但係一定靚嘅。（之前啲港姐被評樣衰，今年提高質素？）之前都好高質素，唔會揀豬扒。今年外景會去倫敦，亦會安排佢哋坐商務客位，相信好多靚女會嚟。」同場的陳庭欣談到早前與Jessica C.和陳司翰到北京行騷時，他們的衣物被偷去，她說：「可能啲人知道係明星所以太熱情啦！」

低胸打扮的許亦妮穿上皮褸後，大大削減可觀性。

應屆港姐冠軍朱晨麗打扮密實，略欠睇頭。