思琦唔肯見人 疑患產後抑鬱

單親媽媽楊思琦誕下女兒Krystal後承受巨大壓力，返港後臥病至今，樂易玲昨日透露思琦不欲見人，心情愈來愈差，擔心她患上產後抑鬱症！

在美國秘密產女的楊思琦，自本月22日返港後一直未有再露面，外間對思琦女兒生父一直議論紛紛，令單親媽媽思琦承受巨大壓力。無綫製作資源部總監樂易玲昨日出席《2012香港小姐競選》招募記者會時，爆出思琦患上產後抑鬱症，她說：「本來今日諗住叫佢嚟見吓人，但佢病到起唔到身，聲都冇晒！我好擔心佢，覺得佢有情緒病，有產後抑鬱症，要盡快睇醫生！佢又唔想見人，諗住約佢食早餐傾嘢佢都唔得，見到佢咁真係有啲忟，但又好慘！（畀負心漢激親？）唔知。」

樂易玲還透露思琦心情愈來愈差：「思琦經理人直情去到佢屋企，思琦都係搵媽咪落嚟，佢唔想見人，睇完啲雜誌報道心情愈嚟愈Down，但係有啲嘢一定要傾要解決。」

久病未愈 工作拖住

思琦誕女後工作不斷送上門，但都因病而Hold住，樂易玲續說：「依家啲工作拖住先，佢都病到郁唔到，接咗做唔到唔通賠錢咩！其實最好嘅醫治方法係出番嚟做嘢，就會有番鬥志。」另外，04年港姐冠軍徐子珊以密實打扮亮相，她笑稱要留本錢來搵真銀。