洪天明接受貪玩林建億道歉

洪天明與周家蔚上周結婚大喜日子,家蔚前度林建億(Chester)踩場,天明慶到大鬧對方正×人。據知,前晚經林母王愛倫出面求情,事件才得以平息。

剛從內地工作返港的天明,昨日接受電話訪問時說:「王愛倫同高麗虹都係港姐又係朋友,佢同我媽咪講咗,阿爸(洪金寶)又再搵我講,咁咪應承唔再提囉!尋晚(即前晚)王愛倫同佢個仔的確有打電話畀我道歉,Chester亦承認嗰晚貪玩。人誰無過呢?所以我都接受道歉,咁都畀面王愛倫!」

煩事得以解決,問天明何時「報喜」?他說:「可能龍B就趕唔切,而我都要驗多一次身,早前去日本做嘢,應該驗吓身睇吓有冇輻射影響,(準備)做個負責任嘅爸爸。」

洪天明畀面長輩,與太太周家蔚接受林建億道歉。(資料圖片)