樂基兒食物敏感變「腫脷」

樂基兒的豐滿朱唇連老公黎明亦讚賞有加，雖然早前她食物敏感，喉腫脷腫、身體不適，以致前晚出席活動亦沒心情化妝，但仍不忘塗上唇膏，令她看來依舊奪目搶鏡！

黎明嫂樂基兒（Gaile）前晚穿鬆身長裙出席Dior唇膏活動，同場還有模特兒Jocelyn、Jessica C.、莊思敏、鄭希怡、周汶錡、周麗淇和吳雨霏等。

Gaile透露早前到法國工作很開心，美中不足是出現食物敏感：「同媽咪食完海鮮就敏感，我最初係喉嚨腫脹，跟住到條脷都好腫，媽咪就有啲紅疹。睇咗醫生，依家食緊藥，已經好番啲。我係第一次食海鮮敏感，之前都唔會。」

問黎明是否很擔心她？Gaile說：「佢知我有食藥，唔舒服。本來今日（即昨日）唔係咁想出嚟，冇乜點化妝就出咗嚟，主要都係搽唇膏。（黎明有冇讚你個嘴靚？）OK嘅，都幾Full（豐滿）。（讚個嘴Sexy？）咁又冇喎！我自己都唔覺Sexy。」她續透露復活節將與母親及妹妹到加勒比海旅行，黎明則因要工作而未能同行，兩夫婦起碼要到夏天才有時間一起旅行。問黎明有否提醒她小心飲食，她說：「應該會，自己都會小心。」

JC重建好形象

而同場的Jessica C.（JC）早前涉盜竊案已正式完結，她說：「我可以重新出發，要生活得更健康，好好建立聲譽，會努力工作，證明自己係好女仔！」心情不俗的她又在場內與Jocelyn等狂試唇膏，又玩連環快拍，再將相片上載到Facebook分享。