Fans阿Sa緣慳一面

荷里活型男曉格蘭特讚華籍女仔甚具吸引力,前年他到內地出席慈善活動期間,更口花花揚言被同場的靚女司儀蔣怡吸引,有墮入愛河的感覺。昨日記者致電蔣怡,對於曉格蘭特秘密訪港,她大讚對方有魅力,並說:「佢係一個好好嘅演員,好有專業精神。」至於身為曉格蘭特粉絲的蔡卓妍(阿Sa)得知偶像來港,自己卻要開工而感到可惜,她說:「佢咁有型梗係鍾意啦!不過我要飛北京工作,緣慳一面!」

阿Sa要開工,無暇追星見偶像曉格蘭特。

蔣怡大讚曉格蘭特有型兼演技好。