Chita跳出框框 腦作動

熱愛創作的歌手余翠芝，早前為追求創作夢，決定自組公司實現滿腦子的主意，雖然從頭開始很辛苦，但她卻得到比之前更多的滿足感。

歌手余翠芝（Chita）早前自組公司繼續在樂壇打拚，雖然所有事都要親力親為，亦沒有龐大資源搞創作，但她未有後悔︰「之前有唱片公司，唔能夠完全發揮，因為傳統公司有商業考慮，未必可以諗乜就做乜，所以我覺得係時候跳出嚟，發揮自己嘅想法同音樂。」

設計自家首飾

Chita是個諗頭多多的人，是次榮升老闆娘，她認為未嘗不是一件好事︰「我係比較多諗頭同創作嘅人，突然諗到啲嘢就好想去實踐，但傳統公司簽好多Artist，未必有咁多時間去將你嘅諗法搬出嚟。」約滿舊唱片公司後，她一度為前途掙扎︰「完約後，我諗咗好耐，冇大公司Backup，資源同資金都冇咁多，但可以學到好多嘢，而且有更多發揮，時機好緊要，所以我好勇敢去選擇行呢條路。」

雖然凡事由零開始難免吃力，但她於短短幾個月內已做出成績，早前更與品牌合作推出自家首飾品牌︰「慶幸之前出過唱片，令人對我嘅音樂有認識，依家接觸好多人，而且設計多咗，好似之前設計咗一個品牌，仲有一個魚尾眼妝，呢個就係我嘅Logo。」