新進男歌手譚晴早前在屋邨活動上獻唱，最近積極自我增值並參與演技訓練班的他，表示為全情投入學習，暫時放下音樂：「想專心啲學演戲，做人唔可以太貪心，要一步步嚟，所以呢兩個月都唔會再出席唱歌活動。」
譚晴將「休聲」一段時間，令歌迷大感不捨，他坦言感激粉絲一直支持：「見到有啲歌迷眼濕濕，自己都差啲忍唔住喊！但我唔會放棄音樂工作，我五、六月先開始籌備新歌，歌迷唔使擔心喎！我咁鍾意唱歌，一定繼續唱。」
譚晴出席活動時抱實小粉絲。
