狄易達信自己望跳到80歲

歌手狄易達憑「舞功」跳出理想，由學生變身歌手，繼而膽粗粗成立跳舞學校，面對變數無限的娛樂圈，達仔只望找到屬於自己的態度，展望能跳到80歲。

不少預言家推測2012年12月21日末日降臨，樂壇同時出現以此為創作概念的歌曲，以音樂提醒樂迷「珍惜擁有」。對於達仔來說，「末日」亦正是他踏入24歲的大日子，背着「末日之子」身份，他坦言未有太過在意「限期」：「每日只係想做好要做嘅事，社會愈講，人就愈去諗，我覺得唔太健康，其實都係好似打風咁，要嚟就嚟啦！唔使太刻意去標籤『末日』！」

趁後生搏到盡

達仔於去年首次參演電視劇，適逢唱片公司老闆陳國強入股無綫，被指靠關係帶挈在無綫曝光率上升，他說：「冇擔心過呢點，自己有努力過，做嘅嘢唔會白費。係咪靠關係，都唔係我呢啲小朋友Level去講，每個觀眾有自己嘅角度，喺呢刻我嘅目標就係盡力去做好面前每一份工作。」談到知名度與人氣，達仔「位置」比上不足、比下有餘，問到以甚麼力量支撐其「明星夢」？他說：「入行初期都有段時間唔太肯定自己，但冇諗過要放棄，自己會諗仲咁細，有機會點解唔搏？」難怪開跳舞學校的達仔，揚言要跳到80歲！