樂瞳大個女四圍偷師

天生童顏的無綫小花樂瞳笑言在新劇中不用再施展「校服誘惑」，但性格仍是孩子氣，她自認任性，但深得家人寵愛。

樂瞳得天獨厚生下一副童顏，去年在多套劇集中仍扮演中學生及未成年少女，她笑言不介意繼續做人細妹，但新一年要「成長」，告別校服誘惑。她在新劇《當旺爸爸》中的角色「高如寶」是大學畢業生，不過性格仍是任性及孩子氣，問到跟真實性格是否相似？她說：「都有少少，屋企得我一粒女，會好遷就，細個想學咩樂器、玩咩活動，父母都安排畀我，但我就三分鐘熱度。入行之後，細佬知我做嘢辛苦，會買嘢畀我食。」

今次樂瞳與夏雨、鍾嘉欣、麥包及胡定欣飾演一家人，她笑言從每個人身上都偷師不少！更大讚鍾嘉欣演技好，尤其喊功「深不見底」：「佢每次喊就令人好感動，我都希望做到咁！」又讚夏雨及麥包演喜劇出色，她說：「原來定欣演喜劇都好得，有場戲佢度咗Part舞加強搞笑效果，啟發咗我好多！」

感激梅小青提攜

提到監製梅小青及劉家豪已離開無綫，樂瞳直言要多謝兩位伯樂多年來的提攜：「我做緊茄喱啡時佢哋已經留意我，之後仲畀咗好多好角色我，全靠佢哋我先有今日！」