林欣彤閻奕格互笠高帽

閻奕格與林欣彤（Mag）前晚錄影《勁歌金曲》，二人互笠高帽，Mag指她倆喜歡的歌曲類型相似，故期待合作；閻奕格則讚Mag聲線具爆炸力，甚具特色。

憑在台灣《超級星光大道》踢館竄紅的閻奕格與無綫「巨聲幫」林欣彤前晚錄影《勁歌金曲》，二人惺惺相惜。Mag錄影前表示有機會跟閻奕格於台上合作，但不算正式表演，因為夾雜遊戲成分，說到巨肺對巨肺時，Mag說：「好期待可以一齊合作，大家鍾意嘅嘢都好似，我都好期待同歌曲類型相似嘅歌手合作。」問到會否支持對方下月在九展舉行的音樂會時，Mag表示有時間會去捧場。

閻父買唔到飛

閻奕格則指早前於美國都有上網看Mag的音樂短片，她說：「我覺得佢把聲好有Power、好有特色，都想同佢合作，每個歌手都有值得我學習嘅地方。」說到其音樂會第二場門票開售兩分鐘便賣完，她表示有壓力，但暫不會加場，希望維持最佳狀態，又指父親閻惠昌及同學都買不到票，現時一身「飛債」。

金剛扮鄧智偉

此外，主持金剛戴上假髮扮無綫音樂創作人鄧智偉，二人合照時，金剛更被指靚仔過對方，不過他謙虛地說：「唔係，每個人都有唔同特質，你哋依家先發現我靚仔，太遲啦！我不嬲都靚仔。（邊一方面？）頭髮囉！而且我都有八年冇試過剃乾淨啲鬚，我都有下巴o架！」