謝賢煲花膠谷霆鋒
藝人謝賢（四哥）及陳嘉桓（Rose）昨日以代言人身份出席《三皇當堂健康宴》，對於被指吃龜治病，四哥說：「我係買花膠、海參畀霆鋒保筋骨。（早前同霆鋒旅行有冇艷遇？）少少都冇！（霆鋒冇着落？）做咗人老竇仲點會有！（咁後生都冇第二春？）個春未大吖嘛！個春大咗先有用！（仔都生埋喎？）會又細番！（所以整花膠谷佢？）係呀！（花膠秘方？）爸爸以前成日畀補藥我食，我依家先仲係咁！（為霆鋒物色對象？）呢啲都要老竇出面就執笠啦！仲叫謝霆鋒咩！」
另外，有指因接內衣騷而令粉絲擔心，Rose大派定心丸：「我信得過公司幫我接嘅工作，冼國林師傅都話健康！」至於同場的黃日華透露日前與王維基食飯，但講明不可拍照及透露飯局人物：「我見到好多無綫啲新人！」
將行內衣騷的Rose，向粉絲大派定心丸。
張文慈甫見四哥即送抱，Friend到呢！
黃日華（右）與王賢誌傾到雞啄唔斷。