祖兒行騷錫身：飛釘要加碼

樂壇天后容祖兒前晚以Pink Lady Look處女行騷時，笑言若「飛釘」上陣則要加碼！她大讚老闆楊受成敢作敢為，人生充滿傳奇！

祖兒前晚以代言人身份出席bossini活動，還即場行Catwalk，同場還有古天樂（古仔）、周秀娜（娜姐）及組合Shine。祖兒難得落場行騷，問到何不學模特兒「飛釘」？她笑說：「『飛釘』就要加碼（加酬勞）！我作為一個唔係咁專業嘅Model去行，要送多兩粒釘就唔多掂囉！」她表示知道楊受成出自傳，還大賣口乖：「成本（書）都有興趣o架！（對情史有興趣？）OK啦！佢始終係老闆，要尊重佢，佢自己講就OK，由我講就冇咁好！（唔敢講？）唔係，每個人都有情史，不過我對佢嘅情史就冇咩興趣！」反而她對楊受成的經歷深感佩服，盛讚他富傳奇色彩。

古仔嘆冇女埋身

而古仔則透露稍後返內地逗留半年拍戲，問到會否擔心消夜被狗仔偷拍？他說：「唔驚！我收工都係返酒店休息，況且消夜對胃唔好！（多戲拍，有冇拖拍？）冇拖拍！（陳小春拍戲都有女埋身，你呢？）真係好奇怪，咁多年都未試過！」

至於以比堅尼打底，外加短身Tee上陣的娜姐則表示不會「飛釘」出騷，最多買個假「飛釘」給大家看。對於有傳內地女星楊冪的片酬高達1,200萬港元，問她收多少？娜姐說：「我會向片酬努力，衰嘢唔多講啦！講多咗又畀稅務局追！」