前港姐曹敏莉昨日出席雪肌蘭活動時，皮膚測試獲A級，問到可有被老公讚靚？她說：「佢乜都唔敢彈！（屋企你話晒事？）小事我話，大事留番畀佢！（有冇同楊思琦交流湊女心得？）我哋冇聯絡喇！」而品牌老闆劉陳小寶及陳細潔亦有到場，當中細潔的假髮被指似關之琳，她說：「有人講過，始終佢係靚女，都開心！（惹埋啲狂蜂浪蝶？）一向都多，希望可以嚇退冇質素嘅『浪蝶』！」
陳細潔（左起）、曹敏莉及陳小寶喜相逢。
