陳可辛首呼「老婆」 君如憎到心寒
導演陳可辛昨晚出席《焦點影人陳可辛展覽》開幕活動，另一半吳君如及袁詠儀等撐場。他致辭時感觸落淚，透露去年獲電影節邀請擔任焦點影人時，正值母親病重，而他回顧前半生，表示有令朋友不舒服，但亦有值得自豪的地方，他感激身邊人多年來的支持：「我知自己係好難相處嘅人，多謝爸爸、離世嘅媽媽、同埋未來要容忍我幾十年嘅老婆。」
獲首度公開以「老婆」稱呼，吳君如竟說：「其實最憎佢叫我老婆，上次喺飛機畀人叫陳太，我都同佢理論。」在旁的陳可辛即說：「老婆同陳太係兩件事，老婆係一種關係。」君如即接口答：「頭先最驚聽到你嗰句仲要頂多你幾十年，放過我啦！我個心真係寒一寒！」
至於袁詠儀表示當年首部電影已跟陳可辛合作，對方是她奪新人獎及影后的恩師。
陳可辛與吳君如雖已「老夫老妻」，但君如竟不願被叫「陳太」。
袁詠儀感激陳可辛令她在影壇發光。