張嘉兒豪放演戲 醉酒召「妓」

07年港姐冠軍張嘉兒溫文爾雅，落落大方，但她在剛拍完的新劇中卻有新嘗試，劇中的她需要當眾召男妓和打人，誓要讓觀眾看出不一樣的自己！

港姐張嘉兒向來予人斯文印象，早前她剛拍竣無綫劇《女警愛作戰》，劇中扮演有錢女人，當中有一幕更需扮飲醉酒召男妓，頗具挑戰性！她笑說：「今次可以做個反斯文、顛顛哋嘅角色，可以畀觀眾睇到我唔同嘅一面，我仲摑咗謝東閔四巴！現實中我唔『叫鴨』又唔打人，可以喺套劇入面試到呢兩樣嘢，都幾得意！」

不過，嘉兒自言外表雖然溫文，但現實中卻熱愛刺激運動：「好鍾意滑水同滑雪！以前我喺溫哥華哥每個星期都會去滑雪，所以依家喺香港冇得滑雪就會去滑水。我好鍾意玩速度嘅嘢，因為好刺激呀！」

唔心急披嫁衣

近年港姐每多早婚，如榮升媽媽的陳倩揚及已訂婚的劉倩婷等，但單身的嘉兒反而沒有結婚的衝動，她說：「唔知點解愈來愈冇想結婚嘅感覺，因為想以事業為重，同埋想順其自然，因為愈想結婚就會愈求其去揀。我覺得結婚係需要諗清楚，當然唔想結完婚之後離婚。」