江若琳增肥廿磅 中「頭」獎　

在新片中飾演舉重選手的江若琳，接受ontv專訪時自爆曾瘋狂增肥20多磅，更不慎撞傷頭；而杜汶澤的一場喊戲，竟喊到收唔到聲！

江若琳（Elanne）和杜汶澤近日忙於宣傳電影《高舉．愛》，片中飾演舉重選手的Elanne，為求逼真寧願犧牲身材，瘋狂增肥，由體重98磅增至120磅！身材纖幼的她無所不用其極，日日狂食增肥，她說：「為咗要有說服力，只有98磅的我要增磅至120磅，原來增肥比減肥難，我一日食3餐增肥奶粉，狂食東坡肉、漢堡包，食到胃痛！」 今次該片在內地取景，與真正的舉重選手一起拍戲，Elanne說：「因為拍攝現場係舉重選手嘅訓練場地，一個臨時演員都冇！同真嘅舉重選手一齊拍戲，感覺更加實在。」

封地獄黑仔王

但拍攝期間亦遇上小插曲，Elanne不小心壓傷頭部，更慘被杜汶澤取笑為「地獄黑仔王」，他指着Elanne笑說：「我冇見過一個演員黑得過佢，拍戲拍到要入醫院，又畀鐵打到個頭。」阿澤分享拍攝時有一幕非常難忘，連演戲多年的心姐（謝雪心）亦當場流淚：「其中一場戲，我喺殮房伏喺扮死者嘅心姐身上痛哭，喊到收唔到聲，導演突然叫Cut，佢話：『心姐，你咪鬼喊埋一份！』」他笑指自己的演技連「死屍」都感動到喊！