顏子菲日夜飛捱壞身子
前亞姐顏子菲近日到不同地方主持亞視的旅遊及飲食節目，她笑言旅行是一直的夢想：「今次做主持可以免費去好多唔同國家玩同埋食，好開心，可以實現一直以嚟嘅夢想。」她透露除想去有說遲早遭淹沒的馬爾代夫外，更想去秘魯古城遺址─馬丘比丘：「嗰度係一個天空之城，好難去o架！有好多古文明，我小學嘅志願係做一個考古學家！」雖因工作獲得實踐夢想的機會，不過卻是有苦自己知，她說：「我一開始都覺得好興奮，但慢慢發現身體會開始Handle唔到，因為成日飛嚟飛去，冇乜時間休息，所以依家都開始要睇中醫調理身體，我都怕因為身體唔好，而失去其他工作同埋旅行嘅機會。」
顏子菲夢想是做個考古學家。