Kenny重感冒唔見密友
關智斌（Kenny）早前趁有幾天假期，由北京返港跟家人團聚，可是回港後，即告病倒，問到所患何病？Kenny說：「大感冒，我諗係因為我拍緊嗰齣驚慄戲，令到精神好緊張，加上北京天氣好凍，抵抗力弱晒，種種嘢加埋，咪凍病囉！」
Kenny為免將病菌傳染親友，就算病情好轉也沒外出，至於可有跟緋聞密友張敬軒見面？他說：「冇喎！我連佢新居都冇上過去，佢生日都冇送禮物，但都有Send訊息畀佢。」問他是否財多身子弱？Kenny哈哈笑說：「我都想，不過我今年的確有好多賺錢機會，嚟緊將拍兩齣內地劇。」由於他未來將重點放在內地市場，故心郁郁想在內地置業，原來他早在一、兩年前曾想過在內地買樓，可惜當時想「諗定啲先」才錯過機會，他大呻：「早知買啦！如果當時買咗就發達喇！」
Kenny今年多了賺錢機會，故想在內地置業。