連詩雅捱特價包果腹

歌手連詩雅（Shiga）、樂隊Dear Jean日前接受路芙及李國能訪問，新城高層朱明銳到飯局打氣，五位歌手看見桌上擺滿龍蝦、金目鯛及雞泡魚刺身、非洲生蠔和牛扒等美食時，即連聲感謝新城請食免費大餐。

Shiga自言對食物沒有要求，現時一日三餐以腸仔包為主，問到為何如此慳？她笑言當歌手只是表面風光，回想剛加入娛樂圈時，試過一年內沒有收入，要靠「食老本」為生：「我仲要買特價腸仔包，平時只會着贊助衫同用贊助化妝品，仲會搭電車同港鐵，一個星期會同朋友『AA制』食餐好啲，雖然依家收入好咗，但生活習慣冇變。」Shiga否認日子過得苦，因為可以出唱片，追求理想，所得的滿足感比過優質生活更大。

而樂隊Dear Jean亦坦言過着「清貧生活」，他們異口同聲說：「我哋每月生活費都係三千元左右。」成員Jackal認為夾Band要捱窮是司空見慣的事，他自揭私隱說：「如果Tim（主音）要結婚，我諗要變賣樂器先有錢做人情。」