陳敏之索腿浸到皺皮

陳敏之在新劇中連場戲水，大騷招牌美腿，不過因拍攝時間太長，令她的美腿浸到皺皮，她又自爆拍劇靠催眠投入角色。

無綫花旦陳敏之在新劇《東西宮略》中扮演迷惑齊宣王的西宮夏迎春，她覺得角色難度在於將男仔頭性格融化成溫柔、嬌美的一代尤物，為演繹這美人角色，她用自我催眠的方法：「每次開工前我都會話畀自己聽，自己係全世界最靚嘅，不停咁催眠自己，嗰種靚係要靚到男人見到暈晒大浪，自然就會流露出自信，容易投入角色。」

演喜劇看似演得輕鬆，但實際難度不低，敏之說：「其實喜劇難度仲高，因為搞笑嘅節奏好難掌握，開工嘅時候都要向安仔（郭晉安）偷師。」

登台賺外快

敏之與郭晉安在戲內有多場戲水場面，拍攝時值冬天，雖然有熱水侍候，但以美腿見稱的她卻浸到皺皮：「拍戲一浸就一、兩個鐘，除咗差啲熱到暈低，仲浸到對腳皺晒皮，戲裏面仲有唔少晒美腿鏡頭，希望出街睇唔到皺晒皮啦！」近期放假不用開工的她，頻頻登台賺外快，去年憑劇集《怒火街頭》奪得「最佳女配角」後，身價也水漲船高：「攞獎之後都多咗啲登台騷，酬勞亦增加咗。」