洪卓立洗孱仔形象做硬漢
歌手洪卓立（Ken）在新碟中以全新硬朗形象示人，有如此新改變，全因他厭惡被稱為「孱仔」！他表示早前因身在內地公幹，趕不及返港參加馬拉松比賽，翌日被問：「你係咪身體有事，怕頂唔順，先至臨時唔跑呀？」雖然他沒有因友人的無心快語而動氣，但感覺「銀」耳：「我諗啲人覺得我體弱，係因為我早幾年前有肺積水，要休息一段長時間，但其實我想講，我好番好耐o架喇！」
問到現時身體狀況如何？Ken得戚地說：「梗係冇問題啦！依家不知幾壯健。」他還大談早前到偏遠郊野拍攝唱片封面，即使整天困在類似石礦場的地方，沒有水、食物或廁所，還要躺在鋪滿碎石的地方拍照，他依然應付自如：「如果我身體真係咁差，就唔可以喺內地拍咁耐劇啦，仲有廿幾分鐘可以食一隻雞，我咁擦得，就知我冇事啦！」
洪卓立自言有強健體魄應付繁忙的工作。