蔡卓妍唔驚William去滾

蔡卓妍的男友陳偉霆早前被邀拍尋歡電影，她昨日出席活動時坦言信任男友，因對方認識任何女生均會向她備案，高調晒恩愛！

歌手蔡卓妍（阿Sa）、鄭希怡（Yumiko）及詩雅等前日出席時裝活動時，阿Sa被問到對於男友陳偉霆（William）獲邀拍三級片，並飾演北上尋歡的人有何感想？阿Sa大方說：「都係一個幾好嘅機會，幾搞笑！（佢會唔會尋歡？）我相信佢唔會！」又坦言不會調查對方行蹤。問到William認識女生會否統統向她備案？她說：「都會嘅！所以暫時幾好！（你似佢媽媽？）唔係！佢本身有交帶。」她還表示不會找同事監視對方，問到假若男友出軌怎樣處理？她說：「唔敢諗，唔好逼我！（之前有冇男友出軌？）唔想諗番以前，都唔想諗將來。」另外，纖瘦的阿Sa其實相當貪吃，早前她為代言的可口可樂拍攝廣告時，邊拍邊享受美食，包括游水星斑、龍蝦及肥牛等，導演嗌Cut後還繼續大快朵頤！

Yumiko願拍裸戲

而近日頻頻以性感打扮出席活動的Yumiko，被問到是否改走性感路線？她說：「冇諗過，最緊要靚！依家做演員，發現尺度好大，梗係唔係話拍三級片！」她坦承若有像《色，戒》般出色的劇本、對手及導演的話，亦可接受露點演出。