泳豪：邊個受害唔重要

未婚產女的楊思琦昨日高調回港，惹來網友指她以受害者自居，舊愛李泳豪心情則未受影響，昨日上午已離家與男友人往醫肚及前往車行傾談今日出席賽車學校開幕事宜。被問到思琦回港，他說：「我知！今朝有記者打咗畀我。（會唔會主動聯絡？）唔會。（吳帥唔見影，思琦回頭會否接受？）假設性問題唔答嘞！希望佢堅強面對，兩母女展開新一頁。」對於有網友質疑誰才是受害者，豪仔平靜地說：「邊個係受害者唔重要，唔想忘記都要忘記，呢一刻覺得好無奈，依家最重要係努力事業，勝過千言萬語。（需唔需要思琦公開向你道歉？）唔需要啦！以後各有各生活。」

至於豪仔父親李家鼎對於思琦回港，他表示已事過境遷沒有嬲思琦：「祝BB身體健康！（開工撞到會點？）思琦好尊重老人家，佢同我打招呼咪打囉！（擔心豪仔撞見思琦？）唔擔心咁多，搭飛機都會撞機啦！（驚豪仔受唔住刺激？）唔會啦！問番佢本人。（有人話思琦好似受害者咁？）我唔知，唔喺現場。（你覺得思琦係咪要同豪仔公開道歉？）我可以同佢講咩？豪仔可以同佢講咩？（思琦係咪應該道歉？）我唔識答，唔知。」