歌手關淑怡（Shirley）前晚以辣妹造型殺入銅鑼灣買金華火腿，年屆45歲的她以熱褲襯長Boot，頭戴潮爆耳筒，邊聽歌邊殺入賣上海貨的老字號。心情靚爆的她，發現鏡頭時更揮手笑晒，相當友善！Shirley揀完糉再揀上海年糕，繼而向陳年金華火腿出擊，只見她聞完又聞，更一度忘我俯身趷籮，未幾買了一大袋貨品，店員更陪她截的士兼送她上車。另一邊廂，何超盈於附近的意大利餐廳用膳，其後與友人結伴離開。
關淑怡一身辣妹造型，明顯襯過！
Shirley又聞又睇，挑選The Best。
