「玩具大王」蔡志明太太蔡李惠莉、女兒蔡加敏及蔡加怡出席諸葛紫岐的婚宴，問將於年底結婚的加怡婚禮籌備進度？她說：「未擇日子，場地同好多嘢要安排。（取經？）觀察、留意緊。（擺過百圍？）睇吓可唔可以少啲。（你應該唔會鍾意卡通？）我唔鍾意，主題想Warm啲。（男友點求婚？）下回分解，哈哈！」因宗教信仰，蔡太表示要約教堂期：「結婚好辛苦。」而加敏則透露大女Chelsi擔任花女感到開心。問到孻仔加讚會否同時結婚？蔡太說：「唔會！順次序！」
蔡加敏（左）及蔡加怡陪媽咪參加諸葛紫岐的婚宴。
