樂壇天后Kelly昨日再誕下麟兒，不少圈中人連聲恭喜。譚詠麟（阿倫）與張學友昨晚出席洪天明與周家蔚的婚宴時，得悉Kelly再為人母後，即為對方大感高興，阿倫大搞爛Gag說：「恭喜晒，個仔叫乜呀？係咪叫『燒賣』？叫佢出年再嚟過啦！（Kelly話收爐？）嘩！咁早？（咁你生吖？）你哋唔好傻啦！」
至於學友則說：「嘩！生得生得！好嘢！恭喜佢。」問到會否傳授生仔秘笈給洪天明？學友笑說：「我生女喎！叫Kelly教啦！」
譚詠麟
張學友與譚詠麟連聲恭喜Kelly再為人母。
