歌手周子揚（Hinson）家中養了兩貓一狗，他說：「兩隻貓貓一隻叫珍寶，一隻叫妹妹，佢哋係一男一女，而狗仔就叫太郎。」他稱珍寶最黐人：「雖然佢係男仔，但好似女仔咁嬌嗲，晚晚都要我同佢傾偈，又要我摸佢！」問到貓狗可會打架？他說：「唔會喎！因為佢哋細細個就一齊玩！」Hinson表示甫見太郎便覺得牠調皮又醒目：「佢仲有個特別嗜好，就係戴眼罩瞓覺！」他指起初覺得太郎太嘈吵，故為牠戴眼罩令牠「收口」：「點知久而久之，只要一幫佢戴眼罩，佢就自己走去瞓覺，起身仲會自己除眼罩！」
貓咪珍寶最黐人，每晚都要Hinson陪牠聊天。
太郎身懷「絕技」，逗得Hinson不亦樂乎！
